Шетелдік байқаушылар: Халықтың белсенділігі жоғары

Референдумның ашық әрі әділ өтуін бақылауға ТМД Парламентаралық Ассамблеясының байқау миссиясынан 58 өкіл келді. Байқаушылардың бір бөлігі елордадағы 128-ші референдум учаскесінде жүр, олар таңғы 7-ден мониторинг жүргізіп жатыр. Мұнда тізім бойынша 1976 дауыс беруші тіркелген. Шетелдік байқаушылар дайындық үшін Астанаға 3 күн бұрын келген. Әрбір байқаушы күні бойы кемінде 10 учаскені аралап, референдумның ашықтығын қадағалайды.

Дмитрий Кобидский, ТМД парламентаралық Ассамблеясы кеңесінің бас хатшысы:

Халықтың белсенділігі жоғары. Таңғы 7-ден бастап өз таңдауын жасауға ағылып келіп жатыр. Әсіресе жастардың көптігі қуантады.

Барлығы көңілімізден шығып жатыр. Учаскелердегі техникалық-ұйымдастырушылық жоғары деңгейде. Ешқандай ескерту жоқ, барлығы заңға сәйкес өтіп жатыр.