Референдумда 12 миллионнан астам қазақстандық дауыс бере алады

Орталық референдум комиссиясының деректеріне сәйкес, елімізде дауыс беруге құқығы бар азаматтардың жалпы саны – 12 миллион 461 мың 796 адам. Дайындалған бюллетень саны одан 1 процент көп. Референдумды ұйымдастыру үшін ел бойынша 10 мыңнан астам дауыс беру учаскесі жұмыс істейді. Оның ішінде тұрақты, арнайы және шетелдегі учаскелер бар. Референдумға 38 шет мемлекеттің және 11 халықаралық ұйымның 359 өкілі акредиттелген. Олар және отандық байқаушылар дауыс беру барысының ашық әрі заң талаптарына сай өтуін қадағалайды.