Алматыға гастрольдік сапармен Жантөрин атындағы музыкалық драма театры келді

Олар қара шаңырақ әкемтеатрда өнерлерін көрсетіп жатыр. Сапардың шымылдығы атақты грузин жазушысы Авксентий Цагарелидің «Ханума» пьесасымен ашылды. Бұл - бүкіл әлемге танымал  классикалық жанрдағы қойылым. Ал, әртістер оны қазіргі заманға сай поп-арт форматында сахналады.

Сондай-ақ, Нартай Сауданбекұлының Алашорданың 100 жылдығына арналған «Әлиханның аманаты» туындысын да алматылық көрермендерге ұсынды.

Рамазан Ақтаев, Маңғыстау облыстық Н.Жантөрин атындағы музыкалық драма театрының әртісі:

- Алматыға келген себебіміз - әр бес жыл сайын ұйымдастырылатын шығармашылық есеп беру кешімізді өткізу.  Алматыда нағыз өнер қаймақтары жиналған. Үлкен сыншылар жиналған. 

Аманкелді Сейтхан