Тәуелсіз байқаушылардың ақпараттық штабы жұмысын бастады

Референдум қарсаңында тәуелсіз байқаушылардың ақпараттық штабы жұмысын бастады. Ақпараттық алаң референдум күні дауыс беру қорытындылары толық жарияланғанға дейін жұмыс істейді. Штабтың міндеті – дауыс беру барысы туралы азаматтар мен бұқаралық ақпарат құралдарын жедел әрі объективті ақпаратпен қамтамасыз ету. Брифинг барысында Алматы қаласында тәуелсіз бақылаушылар коалициясының құрамына 2,5 мыңнан астам байқаушыны біріктіретін 6 үкіметтік емес ұйым кіргені айтылды. Референдум күні Астана, Алматы және Шымкент қалаларынан, сондай-ақ елдің оннан аса өңірінен тікелей қосылымдар ұйымдастырылмақ.

Рафаэль Гасанов, тәуелсіз байқаушылардың ақпараттық штабының басшысы:

Біз таңғы 7-ден бастап, референдум аяқталғанша жұмысымызды жалғастырамыз. Ақпараттық штабта түрлі брифинг өтеді. Оған халықаралық байқаушылар да қатысады деп жоспарланған. Жалған мәліметтер мен фейк ақпараттардың таралуына жол бермеуге ерекше көңіл бөлінеді.