Жедел жәрдем қызметі ардагеріне құрмет көрсетілді

45 жыл бойғы адал еңбек. Атырауда жедел жәрдем қызметінде осынша жыл табан аудармай жұмыс істеген Энвер Сеттаровты әріптестері құрметпен зейнетке шығарып салды. Осы уақыт аралығында ол станцияда жүргізуші болып қызмет етіп, мыңдаған шақыртуға барып, талай адамның өмірін сақтап қалуға жәрдемдескен. Әр адам өз ісіне адал болып, елдің ықыласына бөленсе, одан артық құрмет жоқ, дейді еңбек адамы.

Энвер Саттаров, жедел жәрдем көлігінің жүргізушісі:

Маған жұмысым ұнағандықтан, жалақының аздығына да қарамай еңбек еттім. Мен үшін ең бастысы – адам өмірі. Қазір медицина дамыды. Бәрі бар. Осыны көріп кеткеніме қуаныштымын. Әріптестерім былай шығарып салады деп ойламадым. Барлығына ризамын.