ЖИ жасау үшін 200-ден астам датасет қосылды

Қазақстандық IT мамандар үшін жасанды интеллект әзірлеуге арналған 200-ден астам датасет қолжетімді болды. Деректер жиынтығы Ashyq Data порталында жарияланған. Платформаны бүгін Жасанды интеллект және цифрлық даму министрлігі IT қауымдастық өкілдерімен өткен кездесуде таныстырды. Мақсат – мемлекет тарапынан бизнес пен стартаптарға отандық жасанды интеллект өнімдерін әзірлеуде қолдау көрсету. Жүйеде жылжымайтын мүлік нарығының аналитикасынан бастап медициналық көрсеткіштерге дейінгі түрлі салаларды қамтитын деректер жинақталған. Вице-министр Дмитрий Мунның айтуынша, енді стартаптар мен компаниялар дайын деректер жиынтығын пайдаланып қана қоймай, өз жобасына қажет нақты ақпаратты министрліктен тікелей сұрата алады.

IT компаниялар мемлекеттік органды зерттеу үшін біраз уақытын кетіреді. Ал біздің міндетіміз - мұны зерттеп, оларға көрсетіп беру. Осы мемлекеттік органға барғанда IT компанияның дайын мәліметі болады. Олар келіп, сізде мынадай процестеріңіз цифрландырылмаған. Біз өзіміздің ойымызбен, пікірімізбен келіп отырмыз. Осындай жұмыс жолы цифрландырумыздың қамтылуын тездетеді.