«Теңіз» кен орнында мұнай өндірісі қайта жанданды

«Теңіз» кен орнында мұнай өндірісі қайта жанданды. Бұл туралы Энергетика министрі Ерлан Ақкенженов айтты. Оның сөзінше, қазір зауытта тәулігіне 120 мың тонна қара алтын шығарылып жатыр. Еске салсақ, 18 қаңтарда «Теңізшевройл» компаниясының Атырау облысы Жылыой ауданында орналасқан зауыт трансформаторынан өрт шығып, жүздеген жұмысшы эвакуацияланды. Салдарынан «Теңіз» және «Королев» кен орындарында мұнай өндіру уақытша тоқтаған еді.

Ерлан Ақкенженов, ҚР Энергетика министрі:

Мұнай өндірісі қалыпқа келді. Өрттің шығуына не себеп болғаны да жуырда белгілі болады. Комиссия өз жұмысын аяқтап қалды.