Басты Жаңалықтар М.Әшімбаев: Қазіргі тарихи кезеңде еліміз үшін ұлттың бірлігі аса маңызды

М.Әшімбаев: Қазіргі тарихи кезеңде еліміз үшін ұлттың бірлігі аса маңызды

11.03.2026 20:03

Сенат депутаттары соңғы апталарда елдің барлық облысында ауқымды аудиторияны қамтыған 600-ге жуық кездесу мен іс-шара өткізді. Палатаның жалпы отырысында комитет өкілдері атқарған жұмыстары туралы есеп берді. Олардың мәліметінше, шалғай ауылдарда да жаңа Конституция жобасы бойынша пікір білдірген азаматтар көп. Әсіресе, адам құқығы, халықтың байлығы, заң үстемдігі сияқты баптарға ерекше қолдау жасаған. Сенат төрағасы Мәулен Әшімбаев Мемлекет басшысының жаңа Ата заң елімізді заманауи әрі тиімді басқару моделіне кезең-кезеңімен көшіруге бағытталған тарихи қадам екені туралы айтқан сөзіне назар аударды.

Мәулен Әшімбаев, ҚР Парламенті Сенатының төрағасы:

Президентіміз Қасым-Жомарт Кемелұлы Тоқаевтың бастамасымен соңғы жылдарда ауқымды жаңғыртулар жүзеге асырылуда. Конституциялық реформа осы жүйелі өзгерістердің дәйекті жалғасы. Басты мақсат - Тәуелсіздікті күшейту, мемлекеттілікті нығайту және азаматтардың өмір сүру сапасын арттыру. Сенаторлардың өңірлерге сапрларының қорытындысы халықтың жаңа Конституция жобасын қолдаутынын көрсетті.

Автор

Оңғар Алпысбайұлы

Бөлісу