Референдумды 359 халықаралық байқаушы бақылайды

Республикалық референдум күні 10 402 учаске жұмыс істейді. Ал науқан барысын 38 ел мен 11 халықаралық ұйымнан келген 359 байқаушы бақылайды. Учаскелік комиссия мүшелерін оқыту жоспарға сай  жүргізіліп жатыр. Өңірдегі референдум учаскелері де дайын. Әсіресе, мүгедектігі бар азаматтарға қолайлы жағдай жасалған. Ал жаһандағы тұрақсыздыққа байланысты 10 елдегі дауыс беру учаскесі уақытша жабылды. Тек 54 елде 71 учаске жұмыс істейді. Қазіргі күні дауыс беру парақтарын жеткізу жұмыстары жүріп жатыр.