МӘМС жүйесіндегі қаржыны бақылау күшейтіледі

Елімізде нәрестелер өлімі 15,3 пайызға төмендеген. Ал жұқпалы емес аурулардан мерзімінен бұрын қайтыс болғандар саны 25 пайызға азайды. Бұл туралы бүгін Мемлекет басшысының қабылдауында болған Денсаулық сақтау министрі Ақмарал Әлназарова айтты. Президентке денсаулық сақтау жүйесінің қазіргі жай-күйі мен саланы дамыту перспективасы жөнінде есеп берілді. Бұдан бөлек, МӘМС жүйесіндегі қаржыны бақылауды күшейту, соның ішінде қаражатты мақсатты жұмсауды бақылау жүйесін автоматтандыру және медициналық қызмет көрсетушілерге талапты қатаңдату шараларына баса назар аударылды.

Ақмарал Әлназарова, ҚР Денсаулық сақтау министрі:

Кездесу соңында Президент тиісті тапсырмалар берді. Оның ішінде мемлекет тарапынан бөлінетін қаражаттың тиімділігін, ашықтығын арттыруға бағытталған шаралар. Сонымен қатар кадрлар әлеуетін арттыруға дайындалып жатқан кадрлардың біліктіліктерін арттыруға тиісті шаралар қабылдауға тапсырмалар берілді.