Жаңа Конституция жобасына дауыс беретін шетелдегі 11 учаске жабылды

Жаңа Конституция жобасына дауыс беретін шетелдегі 11 учаске жабылды. Оған өңірдегі әскери-саяси жағдайдың күрделенуі себеп дейді Сыртқы істер министрінің орынбасары Ерлан Әлімбаев. Аталған учаскелер Қазақстан Республикасының Иран, Израиль, Иордания, Қатар, Біріккен Араб Әмірліктері, Оман, Ливан, Кувейт, Украина және Эфиопиядағы елшіліктері жанында орналасқан. Сондай-ақ Дубай қаласындағы Қазақстан консулдығы жанындағы учаске де осы тізімге енгізілді. Дегенмен 15 наурыз күні жалпы алғанда 54 елде орналасқан 71 сайлау учаскесі жұмыс істейді.