«Ұлттық қор – балаларға» аударымдарын көру жолы

«Ұлттық қор – балаларға» аударымдары еgov-та көрінбей қалды. Әлеуметтік желіде тұрғындар осыны айтып, не істеу керегін сұрап жатыр.  Бірыңғай жинақтаушы қорының мәліметінше, аударымдарды бұрынғыдай «еговтан» табуға болады. Тек жолы өзгерген. Енді «цифрлық құжаттар» бөліміндегі «отбасы» батырмасына басу керек. Сосын «құжаттар тізімін жаңарту», «Ұлттық қордан есептеулер» бөліміне өтесіз. Аударым туралы ақпарды екінші деңгейлі банктердің қосымшаларынан да көруге болады.