Таяу Шығыс елдерінен 3300-ден астам отандасымыз оралды

Таяу Шығыс елдерінен қазақстандықтарды елге қайтару жалғасып жатыр. Бүгінге дейін 12 әуе рейсімен 3300-ден астам отандасымыз оралды. Жуырда Ирандағы дипломаттар 34 адамды иран-армян шекарасынан өткізген еді. Ал бүгін тағы 7 адамды жеткізбек. Өңірдегі Қазақстанның дипломатиялық өкілдіктері эвакуация толық аяқталғанға дейін жергілікті жерде үйлестіру жұмыстарын тоқтатпай, шиеленіс аймағындағы отандастарымызбен тұрақты байланыста болатынын айтты.