Елімізде сақтандыру нарығы өсіп келеді

Қазақстанда сақтандыру нарығы өсіп келеді. Былтыр елімізде 23 млнға жуық  сақтандыру шарты жасалған. Ал сыйақы сомасы 1,7 трлн теңгеден асқан. Жиналған қаражаттың ең үлкен бөлігі 426 млрд теңге – зейнетақы сақтандыруға тиесілі. Екінші орында мүлікті сақтандыру – 303 млрд теңге. Ол тұрғын үйді және басқа да нысандарды табиғи апат салдарынан қорғауға арналған. Одан кейін өмірді сақтандыру – 229 млрд теңге және қызметкерлерді жазатайым оқиғалардан міндетті сақтандыру – 136 млрд теңге. Ал міндетті автосақтандыру бойынша жиналған сыйақы көлемі – 118 млрд теңге. Мамандардың айтуынша, бұл көрсеткіштер халық пен бизнес тарапынан сақтандыру қызметтеріне деген қызығушылықтың артқанын және қаржылық қауіпсіздікке көңіл бөлудің күшейгенін көрсетеді.