К.Кильюнен: Адам мүддесі алдыңғы орынға шыққаны маңызды

«Жаңа Конституция жобасында Мемлекеттің басты құндылығы ретінде адам мүддесі алдыңғы орынға шыққаны өте маңызды» дейді Финляндия парламентінің депутаты. Киммо Кильюнен Қазақстанның бір палаталы парламенттік жүйені таңдауын құптайды. Айтуынша, Финляндияда 1906- жылдан бері бір палаталы парламент тиімді, әрі жемісті жұмыс істеп тұр. Сақа саясаткер заң үстемдігін арттырып, азаматтық қоғамның ашықтығын қамтамасыз ететін Конституциялық реформаларды жоғары бағалайды.

Киммо Кильюнен, Финляндия парламентінің депутаты:

Жаңа Конституцияда адам құқықтарына, сөз бостандығына көбірек көңіл бөлінеді деп күтілуде. Менің ойымша, бұл құжаттың ең маңызды тұсы. Көппартиялық жүйе құрып, бір палаталы Парламенттік жүйеге көшу де өте өзекті. Себебі Парламенттік пікірталастарда түрлі көзқарастар қақтығысы болады. Сондай демократиялық процестер арқылы біз шешім қабылдауға қол жеткіземіз.