ШҚО-да туберкулездің алдын алу екпесінен бас тартатындар көбейген

Шығыс Қазақстан облысында жаңа туған сәбиіне туберкулезге қарсы вакцина салдырудан бас тартатын ата-аналар көбейіп барады. Өңірде тек былтыр 171 нәрестеге екпе егілмеген. Соның ішінде 68 балаға  медициналық тұрғыда кері әсері себеп болған. Ал 78 сәбидің ата-анасы вакцинадан саналы түрде өз ерікмен бас тартқан. Тағы 25 балаға өзге себепке байланысты вакцина салынбаған. Дегенмен өңірде жалпы жаңа туған шақалақтардың 97 пайызы туберкулезге қарсы егіледі. Былтыр  облыста 7 362 сәби дүниеге келсе олардың 97 пайызына БЦЖ екпесі салынған.

Жалпы, 2025 жылы БЦЖ екпесінен 78 ата-ана бас тартқан. Олардың айтуы бойынша – вакцинаға сенімсіздік себебінен. Бала өссін, перзентханада жасатпаймын, салмақ қоссын, сәл өссін артынан аламыз деген де ата-аналар бар. Негізі медицина қызметкерлері тарапынан ата-аналармен жұмыс тығыз жүргізіледі.