Жаңа Ата Заң жобасындағы әлеуметтік кепілдіктер мәселесі талқыланды

Әлеуметтік кепілдіктер конституциялық деңгейде бекітіледі. Жаңа Конституция жобасындағы дәл осы мәселелерге қатысты Астанада жиын өтті. «SARAP» эксперттік клубының отырысына академиялық қауымдастық өкілдері мен әлеуметтік қорғау салаларының сарапшылары қатысты. Мамандар қоғамдық даму институты өткізген әлеуметтік сауалнаманың нәтижелерін шолып, мемлекеттік реформаларға қатысты азаматтардың сенім деңгейі мен талап-тілектерін талқыға салды.

Жұлдызай Ысқақова, «қазақстандық қоғамдық даму институты» кеақ басқарма төрағасы

30 қаңтардан бастап біз жаңа Конституция жобасын кеңінен талқылау мақсатында апта сайын тұрақты диалог алаңдарын өткізіп жатырмыз. Бүгінгі жиында өткен жыл бойы жүргізілген әлеуметік зерттеулердің нәтижелерін шолып шықтық. Оның нәтижесіне сәйкес, қазір елдегі саяси тұрақтылық деңгейі жоғары. Ал саяси институттарға деген сенім көрсеткіші кейінгі жылдардың ішіндегі ең жоғары көрсеткішке жетіп отыр.