Президент қауіпсіздік шараларын күшейтуді тапсырды

Мемлекет басшысы Қасым-Жомарт Тоқаев Премьер-министрге, күштік құрылымдардың басшыларына, «Самұрық-Қазына» ұлттық әл-ауқат қоры мен ұлттық компаниялардың жетекшілеріне, сондай-ақ аймақ әкімдеріне тіршілікті қамтамасыз ететін нысандардың, көлік, энергетика және коммуналдық инфрақұрылымның, соның ішінде әуежайлардың, теңіз және өзен порттарының қауіпсіздік шараларын күшейтуді тапсырды. Бұл туралы Мемлекет басшысының кеңесшісі әрі баспасөз хатшысы Айбек Смадияр телеграм парақшасында жазды. Бұл жұмысты үйлестіру Қауіпсіздік Кеңесінің хатшысына жүктелді делінген хабарламада.