3 мыңнан аса ауыл сапалы байланыс қызметімен қамтылады

Мемлекет басшысы «Қазақтелекомның» басқарма төрағасы Бағдат Мусинді қабылдады. Компанияның соңғы екі жылда жүзеге асырған негізгі инфрақұрылымдық және технологиялық жобаларының қорытындылары жөнінде баяндалды. Бүгінде «Қазақтелеком» 1млн 750 мыңнан астам үй шаруашылығына қызмет көрсетеді. 2027 жылдың соңына дейін 1 млн-нан астам тұрғыны бар 3 мыңнан аса ауылды сапалы байланыс қызметімен қамтамасыз ету жоспарланған. Сондай-ақ «Деректерді өңдеу орталығы алқабы» стратегиялық жобасы туралы да ақпарат берілді. Президент шағын қалалар мен ауылдарды сапалы байланыспен және интернетпен қамтудың маңызына назар аударды. Цифрландыру мен жасанды интеллектіні дамыту салаларында инвестициялық жобаларды уақтылы жүзеге асыруды тапсырды.