Жаңа Конституция – жарқын болашақ кепілі

Атырау қаласында «Жаңа Конституция – жарқын болашақ» атты ауқымды гала-концерт өтіп жатыр. Қазір өңірдегі тілшіміз Нұрсұлтан Нұрсейіт ауқымды шара өтіп жатқан «Жайық Арена» спорт кешенінен тікелей эфирге қосылуға әзір тұр. Нұрсұлтан, сіз эфирдесіз?

Қайырлы күн Шерхан, кеш шымылдығы «Сармад» ансамблінің орындауындағы «Көшпенділер» күйімен түріліп, «Алаш аманаты» композициясымен жалғасты. Әрі қарай ұйымдастырушылар  конституциялық реформалардың маңызына ерекше назар аударды. Алдымен облыстағы қоғам белсенділері сөз алып, жаңа конституция жобасын таныстырды. Спикерлер жаңа өзгерістердің ел болашағы үшін маңызды екенін айтып, Ата Заңдағы басты құндылық – адам капиталы екеніне ерекше тоқталып өтті. Жалпы өңірде Ата заңның жобасы кеңінен талқыланып жатыр. Көпшілік жаңа конституцияда азаматтардың құқықтарын қорғау, әлеуметтік кепілдіктер мен еріктілік қызметті қолдау нормаларының енгізілуі – Әділетті Қазақстан құру жолындағы маңызды қадам деген пікірде. Ал қазір салтанатты шараның ресми бөлімі аяқталып, одан әрі концерттік бағдарламаға ұласуда.