Президент бірнеше елдің елшілерінен сенім грамотасын қабылдады

Мемлекет басшысы Қасым-Жомарт Тоқаев сегіз мемлекеттің Төтенше және өкілетті Елшілерінен сенім грамоталарын қабылдады. Ақордада құжат тапсыру рәсіміне Норвегия, Аргентина, Гана, Мали, Гамбия, Бангладеш, Шри-Ланка мен Босния және Герцеговина мемлекеттерінің елшілері қатысты. Мемлекет басшысы дипломаттарға Қазақстанның әлеуметтік-экономикалық және саяси даму перспективасы жөнінде әңгімелеп, елдің бейбіт сыртқы саясат жүргізетінін атап өтті. Сонымен қатар Президент шет мемлекеттер елшілерінің жауапты қызметіне табыс тіледі.

Мен Қазақстан Республикасының Президенті Қасым-Жомарт Тоқаевпен жүздескеніме қуаныштымын! Босния және Герцеговина Еуропаның оңтүстік-шығысында орналасқан мемлекет. Дипломатиялық миссиямды атқаруға, соның ішінде екі елдің арасындағы әлеуеті зор қарым-қатынасты жан-жақты дамыту үшін келдім.

Мен Қазақстанға келгеніме қуаныштымын! Гамбия мен Қазақстанның қарым-қатынасы тығыз. Екі елдің бірқатар саладағы ынтымақтастығын дамытуға болады. Соның ішінде ауыл шаруашылығын дамытуды атап өткен жөн. Жалпы сауда-саттық көлемін де арттыруға бейілміз.