Жаңа Конституция жобасы: Адам құқығы мен қауіпсіздігіне басымдық беріледі

Жаңа Конституция жобасында азаматтардың қауіпсіздігі мен құқықтарын қорғауға басымдық берілген. Халық пен билік арасындағы өзара сенімді күшейтуге мүмкіндік береді. Атырауда өткен облыстық бас редакторлар клубының кездесуінде жиналғандар осылай деді. Жиынға облыстық, республикалық арналардың журналистері, жергілікті газет- журнал басылымдарының басшылары қатысып, ұсыныс-пікірлерін ортаға салды. Жиналғандар басты құжаттағы құқықтық мемлекетті нығайту, билік тармақтарының тепе-теңдігін қамтамасыз ету секілді өзге де маңызды бағыттарды талқылады.

Жанай Амантурлин, облыстық бас редакторлар клубының төрағасы:

Халықтан қаншама мыңдаған ұсыныстар түсті. Мұның барлығы жеті рет өлшеп, бір рет кес дегендей зерделеніп, жаңа жоба қабылданғалы отыр. Адам құқығына келетін болсақ сот та, соны ішінде прокуратура да, адвокатта олармен тең құқылы ретінде Конституцияға еніп отыр. Бұл біздің азаматтардың құқығын қорғауға ерекше басымдық беріп отыр деп ойлаймыз.