Қасым-Жомарт Тоқаев Оман сұлтанымен телефон арқылы сөйлесті

Президент Қасым-Жомарт Тоқаев Оман сұлтаны Хайсам бен Тариқ Әл Саидпен телефон арқылы сөйлесті. Мемлекет басшысы қиын сәтте бауырлас Оман халқына тілектес екенін жеткізді. Қазақстанның жағдайды ушықтырмай, тараптарды диалог пен дипломатия арқылы қақтығысты шешу жолдарын іздеуге шақыратынын атап өтті және аймақтағы бітімгерлік әрекеттерге белсене атсалысатын ел ретінде Оманның халықаралық абырой-беделі жоғары екеніне назар аударды. Президент еліміздің азаматтарын қақтығыс аймағынан Оман арқылы эвакуациялауға тікелей араласқаны үшін Сұлтан Хайсам бен Тариқ Әл Саидқа ризашылығын білдірді. Өз кезегінде Хайсам бен Тариқ Әл Саид Қасым-Жомарт Тоқаевтың қолдауына алғыс айтты.