Маңғыстаудың Мұнайлы ауданы халқы коалиция мүшелерімен кездесті

Маңғыстауда коалиция өкілдері Мұнайлы ауданының дәрігерлерімен, ұстаздар қауымымен және теміржолшылармен кездесті. 

Еркін форматта өткен басқосуларда жаңа Конституция жобасының мазмұны мен өзгеріске ұшыраған баптары айтылды. Коалиция мүшелері Ата заңның жобасында заң үстемдігін нығайту мен адам құқықтарын қорғауға, білім мен ғылымды дамытуға басымдық берілгенін атап өтті. Қатысушылар да ой пікірлерін айтып, жаңа өзгерістердің ел дамуына үлес қосарына сенім білдірді. 

Сәрсенбай Есенқұлов, теміржолшылар кәсіподағының өкілі:

Біз теміржолшылар әр уақытта да мемлекеттің алға жылжуының бірден бір мамандығымыз. Сондықтан мынау болып жатқан Комнституцияның өзгерістерінің бәрін бізге түсіндіруін біз жылы қабылдадық. Наурызда болатын референдумға бірауыздан қатысып, әркім өзінің ұстанымын білдіреді деген сенімдемін.