Шымкенттік мұнайшылар коалиция мүшелерімен кездесті

Шымкентте өңірлік коалиция мүшелері ҚазТрансОйл компаниясының ұжымымен кездесті. Жиында спикерлер жаңа Конституция жобасында қарастырылған негізгі бағыттарды жан-жақты түсіндірді. Әсіресе мемлекеттік басқару тиімділігін арттыру, заң үстемдігін күшейту және азаматтардың құқықтары мен бостандықтарын қорғау тетіктеріне ерекше назар аударылды. Ашық диалог форматында өткен басқосуда мұнайшылар өз сауалдарын қойып, нақты жауап алды.

Ербол Байқонысов, «Amanat» партиясы Шымкент қалалық филиалы атқарушы хатшысының орынбасары:

Еңбек ұжымына еңбек құқығы саласында біраз мәселелер айтылды. Яғни біздегі Конституция жобасында келтірілген адам құқығы жайындағы мәселелерді талқыладық. Келісімшарт негізінде түзілетін және олардың еңбек құқықтары 100 пайыз қорғалатынын біз нақтылап айтып өттік.