Зардап шеккендер арасында Қазақстан азаматтары туралы ақпарат жоқ

Еліміздің Сыртқы істер министрлігі құзыретті мемлекеттік органдармен және шет мемлекеттердің билік құрылымдарымен тәулік бойы байланыста отыр. Министрліктің мәліметінше, Қазақстанның шетелдегі мекемелері күшейтілген жұмыс режиміне көшірілген. Отандастарымызға қажетті консулдық-құқықтық көмек көрсетіліп жатыр. Мессенджерлерде жедел чаттар құрылып, қазақстандықтардың өзекті сұрақтарына жауап және елдегі соңғы ахуал туралы ақпарат тұрақты түрде беріліп отыр. Елшіліктерде шұғыл байланыс желілері ашылды. Қазіргі уақытта зардап шеккендер арасында Қазақстан азаматтары туралы мәлімет түскен жоқ.