Еңбек адамы: Шетелде шыңдалған шеберлер

Маңғыстауда елде теңдесі жоқ, күкіртсутегіне төзімді құбырлар шығаратын зауытта жергілікті жұмысшылар еңбек етеді. Кәсіпорын басшылығы оларды шетелде оқытып, әлемдік деңгейдегі өндірістерде тәжірибеден өткізген. Бүгінде сол бағдарламамен білім алған жұмысшылар өз ісінің білікті маманына айналды. Зауытта жауапты учаскелерде жұмыс істеп, сапалы өнім өндіруге үлес қосып келеді. Нұрмағанбет Сисенбаев зауытта 11 жылдан бері жұмыс істейді. Ол кәсіпорын жолдамасымен Румынияда оқып, өндірістік тәжірибеден өткен. Шетелде алған білімін бүгінде жергілікті өндірісте тиімді қолданып жүр. Ол дайын құбырлардың сапасын тексереді. Өндіріс толық автоматтандырылғанымен, әр өнім маманның қырағы бақылауынан өтеді.

Тұрбаны біз 100 процент тексереміз, барлық параметрлерін. Иненің тесігіндей тесік болмау керек бәрін қарап отырамыз. Румынияда болдық. Осындай премиум зауытта үлкен сол жақтан тәжірибе алдық десем болады. 2 ай жарымдай. Өз көзімізбен көріп, үйреніп келдік. Сол үйренгенімізді өз Қазақстанымызда атсалысып жатырмыз.

2015-жылы оқытты және практикаға Румынияға жіберді. Румынияда біз бұдан да үлкен, ауқымды литейный зауытта болдық. Көптеген білім алдық, білімдері сапалы және терең. Содан бері 10 жылдан астам уақытта тәжірибем мол жинап, өзімнің отбасымды асырап отырмын және әлеуметтік жағдайым шүкір жақсы. Бірінші қауіпсіздік үшін жағдай жасайды және мекеме өзінің әр бір жұмысшысына тыңдап біледі, естіп біледі.

Алғашқы кезде зауытта шетелден келген мамандар жұмыс істеді. Кейін біз техникалық қызметке, бүкіл өндіріске, сапа және қауіпсіздікке жауапты мамандарға шетелде оқып, тәжірибе жинауға мүмкіндік жасадық. Жарты жылға дейін оқығандар болды. Өндіріс қанша жерден автоматтандырылғанмен осы мамандар бақылап отырады.