Шымкенттегі университет ұжымы коалиция мүшелерімен әңгімелесті

Шымкентте өңірлік коалиция мүшелері Ташенев университетінің ұжымымен кездесті. Жиында жаңа Конституция жобасындағы өзгерістер мен бастамалардың елдегі саяси жаңғыруға ықпалы түсіндірілді. Сондай-ақ, жастардың білім мен ғылым саласындағы мүмкіндіктерін кеңейту және инновациялық жобаларды қолдау мәселесі талқыланды. Еркін форматта өткен жиында студенттер мен оқытушылар өз пікірлерін білдіріп, сұрақтарына жауап алды.

Бақытжан Позилов, қалалық мәслихат депутаты:

Сұрақтар көбейіп жатыр. Себебі оқып жатыр, түсінбеген жайттары, тұстары бар. Осыны егжей-тегжейлі түсіндіріп беріңіздер деп жатыр. Ғылымға қазір жаңа Конституция өте көп мән беріп отыр. Яғни елімізде осы ғылым арқылы, инновация арқылы дамитынымызға көзіміз жетіп отыр.