Жаңа Конституция – ел дамуын айқындайтын маңызды құжат

Жаңа Конституция – ел дамуын айқындайтын маңызды стратегиялық құжат. Ата заңда адам құқығы, мемлекет мүддесі ғана емес, қазіргі қоғамдағы түрлі қауіп-қатер мен әлеуметтік-экологиялық мәселелер ескерілген. Осы орайда, ел тұрғындары Конституцияның құрылымы мен мазмұнын оң бағалап жатыр.

Сауалнама:

-         Жаңа Конституция жобасында ҚР азаматтары табиғатты сақтауға және табиғаттың байлықтарына ұқыпты қарауға міндет екені айтылған. Бұл өте дұрыс талап деп ойлаймын. Қазіргі таңда экологиялық мәселелер бүкіл әлемді алаңдатып отыр. Конституцияда осы мәселе орынды көтерілген.

-         Жобаны оқып, таныстым. Көңілімнен шықты. Атап айтсам, білім саласындағы өзгерістер, білім берудің тең мүмкіндігі, білім сапасын арттыру. Бұл жалпы, жас ұрпақтың білім деңгейін жоғары көтеруге үлкен үлес қосады деп есептеймін.

-         ҚР Конституциясы бұл еліміздің стратегиялық құжаты деп есептеуге болады. Өйткені ол жерде ең маңызды-маңызды қағидаттар, ең бастысы адамның құқықтары мен бостандықтары қарастырылған. Ең біріншіден мен преамбула немесе кіріспеге тоқталар едім. Кіріспесінде біздің мемлекетіміздің іргетасы болып Егемендік, келісім, этносаралық татулық қарастырылған.