Ертең жаңа Конституция жобасын талдауға арналған партияаралық дебат өтеді

Ертең жаңа Ата заң жобасын талдауға арналған «Жаңа Конституция – жаңа мүмкіндіктер» атты партияаралық дебат өтеді. Студиялық форматта ұйымдастырылатын дискуссия «Qazaqstan» телеарнасының YouTube, Facebook, Instagram және TikTok платформаларында, «Хабар» арнасының YouTube арнасында тікелей трансляция арқылы көрсетіледі. Сонымен қатар қосымша ақпараттар «Референдум-2026» Telegram арнасында жарияланады. Дебатқа 7 партиядан 14 спикер қатысады. Эфир барысында спикерлер жобаның маңызды тұстарына қатысты пікірлерін айтып, халықтан түскен сауалдарға жауап береді.