Ақтөбеде референдумды қолдауға арналған жастар фестивалі өтті

Ақтөбеде референдумды қолдауға арналған жастар фестивалі өтті. Оған жүздеген тұрғын жиналды. Ашық аспан астындағы сахнада әнші, бишілер мен талантты жастар өнер көрсетті. Сондай-ақ өңірлік коалиция мүшелері жаңа Конституция жобасының негізгі бағыттарын түсіндірді. Еліміздің басты құжаты әділетті, прогрессивті Қазақстанды қалыптастыруға бағытталған. Әсіресе, жастар үшін білімге, ғылымға және жаңа инновацияға ашылған даңғыл жол, дейді сөз алғандар. Бұл шараны шаһардың белсенді жастары ұйымдастырды. Оларға жергілікті кәсіпкерлер қолдау көрсетті.

Аслан Қайырғалиев, кәсіпкер:

Еліміздің тарихи өзгерістер алдындағы сәтіне куәміз. Біз жаңа дәуірдің табалдырығындамыз. Жаңа Конституция кәсіпкерліктің басты тірегі. Ол әр азаматқа өз кәсібін дамытуға мүмкіндік береді.