Коалиция мүшелері қала тұрғындарымен кездесті

Жалпыұлттық коалиция мүшелері Шымкентте қала тұрғындарымен кездесті. Басқосуда жаңа Конституция аясындағы өзгерістердің мәні кеңінен түсіндірілді, қоғамдағы құқықтық мәдениетке ықпалы сөз болды. Әсіресе, коалиция мүшелері заң үстемдігін нығайту мен адам құқықтарын қорғауға Ата заңның жобасында басымдық берілгенін атап өтті. Кездесу ашық диалог форматында өтіп, тұрғындар пікірлері мен ұсыныстарын жеткізді.

Ахмет Бекзат, қала тұрғыны:

Ұлттық құндылықтарға бой алған мемлекетіміздің іргетасын биіктен қалап, әрдайым ұлттық өрлеу мұратында жұмыс жүргізуге бағытталған жоспарлар, жаһандану дәуірінде отаншылдық қасиетті ұмытпастан, биік мақсатқа жетелеп жатқан тұстарының барлығы бізге ұнап тұрғанын жасыра алмаймын.