Мемлекет басшысы АҚШ-тың Қазақстандағы елшісін қабылдады

Қасым-Жомарт Тоқаев АҚШ-тың Қазақстандағы елшісі Джули Стаффтты қабылдады. Президент саяси диалогтың тұрақты жалғасуы сауда, инвестиция және басқа да бағыттардағы байланыстарды кеңейтуге жол ашып отырғанын атап өтті. Тараптар экономикалық жобаларды жүзеге асыру мәселесін талқылап, нақты нәтижеге жету үшін министрліктер мен ведомстволар арасындағы жұмысты күшейту қажет екенін айтты. Кездесуде Бейбітшілік кеңесі аясындағы өзара іс-қимыл да қозғалды. АҚШ елшісі Қазақстанның осы бағыттағы бастамаларына ризашылығын білдірді.