ШҚО-да қардың қалыңдығына әуеден бақылау жасалды

Егер күн райы күрт жылынса, алдағы көктемде шығыста 7 ауданда су тасқыны болуы мүмкін. Әсіресе гидронысандар мен өзен бойын және таулы өлкелерде қоныстанған елдімекендерге қауіп төніп тұр. Сондықтан салаға жауапты бірнеше ведмостованың өңірдегі жауапты басшылары қауіпті аумақтарды тікұшақпен әуеден шолып шықты. Барлау жұмысы «Өскемен-Алтай – Үлкен Нарын – Катонқарағай» аудандарында жүргізілді. Қазір тауда қар қалың. Көбесі де сөгілмеген. Қар көшкіні де түспеген. Тек Бұқтырма өзенінің шеті аздап еріп, кейбір жерде ғана ортасының ойылғаны байқалады. Ал гидронысандарда жағдай тұрақты. Бірыңғай мұз қатып жатыр.