Астронавтарға арналған экзоскелет

Енді ай мен марсты зерттейтін астронавтардың қимылдары ширай түседі. Ғалымдар ғарыш мамандарына арналған жаңа экзоскелетті жетілдіріп жатыр. Ал Германдияда электр тоғын пайдаланатын әуе көлігі сынақтан өтті. Әлемдегі техно-жаңалықтар жайлы Темірлан Нұржанұлыны айтсын.

Бұл – астронавтарға арналған экзоскелет. Оны Бристоль университетінің ғалымдары әзірлеп жатыр. Олардың сөзінше, жоба ай мен марс сынды ғарыш нысандарында зерттеу жұмыстарын жүргізетін ғарышкерлердің іс-қимылын жеңілдетуді көздейді.

Сырты нейлоннан, ал іші термопластикалық қабаттан тұрады. Ауаны ары-бері оңай өткізіп, созылатыны да содан. Экзоскелет былтыр өткен сынақта сәтті нәтиже көрсеткен. Жүріп-тұру, өрмелеу және жүк тасу сынды тапсырмалар орындаған.

Германияның Мюнхен қаласында электр тоғымен жұмыс істейтін әуе көлігі сынақтан өтті.

ERC System стартабы жасаған Romeo атты прототиптің салмағы – 2,7 тонна. Қанаттары болса, 16 метрге жетеді. Ұшаққа науқастарды ауруханаға жеткізу, ауыр жүк тасымалдау сынды маңызды міндеттер жүктеліп отыр.

Ал мына бір себетті мамандар Ле-Крам көшесіне орнатып жатыр. Бұл Тунис қаласындағы теңіз жағалауындағы аудан. Wayout стартабы әзірлеген ZigoFilter атты сүзгі дренаж жүйесіндегі толып қалатын қалдықтарды ұстап қалады. Осылайша, теңіздің ластануын алдын алады. Зерттеулерге сенсек, күн сайын Жерорта теңізіне күн сайын шамамен 650-750 тонна пластик ағып кетеді екен. Бүгінде қала бойынша 2500-ге жуық сүзгі орнатылған.