Жаңалықтарды Telegram арнамыздан оқыңыз!Семей полигонында алғашқы атом бомбасының сыналғанына биыл - 70 жыл. Ал, атом аждаһасының үні өшкеніне - 30 жыл. Осыған орай Семейде ақын Бауыржан Жақыптың «Жан дауысы» поэмасы сахналанды.
Шығарманы Cолтүстік Қазақстан облыстық Сәбит Мұқанов атындағы қазақ сазды-драма театры саунд-драма жанрында көрерменге ұсынған. Қойылым режиссері, әлемдік байқауларда театр сыншыларының назарына ілігіп келе жатқан жас талант, «Дарын» мемлекеттік жастар сыйлығының иегері - Фархат Молдағали. Режиссер күрделі поэманы сахна тілі арқылы шебер жеткізген. Табиғатқа да, өңір халқының жүрегіне де жазылмас жара салған сынақтар жайлы шығарманы сол қасіретті бастан кешкен Семей жұртышылығы зор тебіреніспен қабылдады.
Ержан ЖАҚЫП
