Қостанайда сенаторлар жұмысшылармен әңгімелесті

Парламенттің жоғары палата депутаттары елді мекендерді аралап, тұрғындарға жаңа Ата Заң жобасын кеңінен түсіндіріп жүр. Жалпыұлттық коалицияның мүшесі Бибігүл Аққожина бүгін Қостанайдағы өндіріс қызметкерлерімен кездесіп, жаңа жобаның маңызы жайында баяндады. Елдегі басты құжаттың қабылдануы – ортақ мүдде, сондықтан заң мәтінімен толық танысып, таразы басына салу, дұрыс шешім қабылдау әр азаматтың таңдауы екенін атап өтті. 

Бибігүл Аққожина, Сенат депутаты:

Әр салада жұмыс жасап жүрген адамдармен кездесу өткізіп жүрміз. Ол кәсіби мамандар, мұғалімдердің ұжымдары, сонымен қатар бірнеше қоғамдық ұйым мүшелерімен кездесу өтеді. Бүгінгі таңда жаңа Конституциямыздың жобасы бірнеше әлеуметтік желілерде орналасқан. Менің ойыма, ақпарат жеткілікті.