Алматыда қардың кесірінен көлік қозғалысы қиындады

Алматыда қар жауып, күн күрт суытып, көшедегі қозғалыс қиындады. Жауған қардың қалыңдығы 22 сантиметрге жетті. Синоптиктер бір күнде айлық қардың 65 пайызы жауғанын айтады. Ақ ұлпа тоқтаусыз жауып, коммуналдық қызмет таңнан бері қала көшелерін тазартып әлек. Әкімдіктің есебінше, қазіргі уақытта 1300-ге жуық бірлік арнайы техника мен 4 мыңнан аса жол қызметкері жұмыс істеп жатыр. Мамандар түнгі ауысымда да жұмыс істейді. Қазір қаланың орталық көшелері мен аялдама, жүргіншілер жолағы қардан тазартылған. «Қазгидромет» күндіз көктайғақ болып, бүгін түнде Алматыда ауа температурасы -5 градусқа дейін төмендейтінін болжады.