Саяси өзгеріс дамуға серпін береді

Қазақстан жаңа Конституция жобасын әзірлеп, оны референдумға шығарып жатқанын барынша қолдаймыз. Саяси өзгерістер елдің әлеуметтік-экономикалық дамуына зор үлес қосары анық. Елдегі басқару жүйесіне тың серпін беріп, халықтың әл- ауқатын арттыруға жол ашады. Өзбекстандық сарапшылар пікірі осындай.

Дилором Файзиева, Өзбекстан Олий Мажлисі халықаралық істер комитеті төрағасының орынбасары:

Қазақстандағы жаңа Конституция жобасы оң өзгерістерді одан әрі жеделдетуге бағытталған қадам деп білеміз. Құжат жобасында әділетті мемлекет қағидаттарын нығайту, адам құқығын басты назарға алу жайы қамтылған. Конституциялық жаңашылдық көптеген саланың өркендеуіне жол ашады. Бауырлас ел мұнан әрі табысты дами береді деп сенеміз.