Басты Жаңалықтар Коалиция мүшелері университет ұжымымен кездесті

Коалиция мүшелері университет ұжымымен кездесті

21.02.2026 20:06

Ақтөбеде «Әділетті және Прогрессивті Қазақстанның Халықтық Конституциясы үшін» жалпыұлттық коалициясының мүшелері Құдайберген Жұбанов атындағы университеттің оқытушылары және студенттерімен кездесті.

Шараға Шотландиялық «Херриот уатт» университетінің Ақтөбедегі кампусының өкілдері де қатысты. Білім ордасының ұжымы жаңа Ата Заң жобасында адами капиталға басымдық берілгеніне ерекше назар аударды. Ел болашағы үшін маңызы зор құжатта білім мен ғылым, мәдениет пен инновация мемлекеттің стратегиялық даму бағыты ретінде айқын бекітілген. Коалиция мүшелері бұдан әрі зауыт жұмысшыларымен және өзге де білім ордаларының ұжымымен кездесуді жоспарлап отыр.

Серік Ақылбай «Қазақстан Заңгерлер одағы» республикалық қоғамдық бірлестігінің төрағасы, жалпыұлттық коалиция мүшесі:

Білім-ғылымды дамытудың арқасында, интеллектіні көтерудің арқасында біздің экономикамыз да көтеріледі. Халыққа бұл Конституцияның маңызы зор. Біздің жастарымыздың болашағын, мемлекеттің болашағын ойлап жасалып жатқан нәрсе.

Автор

Жақсыбек Кемал

Бөлісу