Жаңа Конституция жобасы талқыланды

Лев Гумилев атындағы Еуразия Ұлттық университетінде жаңа Конституция жобасы талқыланды. Жиында Парламент Сенатының депутаттары, ғалымдар мен сарапшылар әр баптың маңызына тоқталды. Сарапшылардың сөзінше, жаңа жоба азаматтардың құқықтарын қорғауды күшейтіп, мемлекет пен халық арасындағы жауапкершілікті нақтылай түседі. Яғни заң алдында бәрінің тең болуы, әділдік қағидаты және қоғамдағы келісімді сақтау басты назарда. Сонымен қатар білім мен ғылымды дамыту арқылы елдің болашағын нығайту мәселесі қозғалды. Себебі мықты мемлекет білімді ұрпақтан басталады.