Сенаторлар еңбек ұжымымен кездесті

Алматы облысындағы Қонаев қаласында Парламент Сенатының депутаттары құрылыс заттарын шығаратын кәсіпорын ұжымымен кездесті. Жаңа Конституция жобасының маңызын түсіндіріп, жұмысшылардың ұсыныс-пікірлерін тыңдады. Кездесу барысында сенаторлар жаңа Ата заң жобасының ел дамуына, азаматтардың құқықтары мен бостандықтарын қорғауға бағытталғанын атап өтті. Сондай-ақ «Әділетті Қазақстан» тұжырымдамасын жүзеге асырудағы конституциялық реформалардың рөліне тоқталды.

Жанболат Жөргенбаев, ҚР Парламенті Сенатының депутаты:

Конституцияның негізгі жобасы жарияланды ғой. Жарияланып халыққа ашық түрде қолжетімді болды. Қазір негізгі сұрақтарға біз нақты-нақты жауап беріп, түсіндіріп жатырмыз.