Абай облысы халқы жаңа Конституция жобасын қызу талқылауда

Ел дамуының басты бағыттарын қамтып, білім мен мәдениетті қолдау, табиғатты қорғау және азаматтардың құқықтарын күшейту Конституцияның жаңа жобасында қамтылған. Ел тұрғындарының ашық талқылауына түскен басты құжатқа қатысты көпшіліктің пікірін тыңдайық.

Сауалнама:

-         Жаңа Конституцияның жобасы еліміздің болашағын нығайтуға, білім мен мәдениетке ерекше көңіл бөліп жатыр. Білім саласын қолдау - бұл жаңа ұрпақтың сапалы білім алып қана қоймай, бәсекеге қабілетті азаматтарды қалыптастыруға көмек береді деп ойлаймын. Ал мәдениетті қолдау - бұл ұлттық құныдылықтарды сақтап, қоғамның рухани дамуына жол ашады деп ойлаймын.

 

-         Көңілге қонып жатқан бір тұсы жұртшылықты табиғатты қорғауға, экологиялық мәдениетті қалыптастыруға міндеттеп отыр. Мен өте дұрыс бастама деп ойлаймын.

 

-         Азаматтардың құқығын қорғау тетіктері күшейтіліп жатыр. Сот тәуелсіздігі көптеген ұйымдардың атаулары өзгеріп, қызметтерінде қосымша функциялар пайда болып жатыр. Бұл болашақта біздің азаматтарымыздың білім алуына, еңбек етуіне, құқық қорғау саласында үлкен жаңалықтар әкеледі деген ойдамын.