Олимпиада: Софья Самоделкина үздік ондыққа енді

Италияның Милан және Кортина-д’Ампеццо қалаларында өтіп жатқан XXV қысқы Олимпиада ойындарының әйелдер арасында мәнерлеп сырғанаудан бәсеке кеше аяқталды. Бұл жарыста ел намысын қорғап жатқан Софья Самоделкина 207.46 ұпай жинап, жалпы есепте 10-орын алды. Айта кетейік, бұл спортшының жеке рекорды. Ол осыған дейін ең жоғары көрсеткішті 2021 жылы тіркеген болатын. Спортшымызға қолдау көрсету үшін Олимпиада чемпионы Михаил Шайдоров және Ұлттық Олимпиада комитеті төрағасы Геннадий Головкин арнайы келді.

Софья Самоделкина, спортшы:

Бірінші кезекте Миша және мен Қазақстанда мәнерлеп сырғанау спортын насихаттап жатқанымызға қуаныштымын. Бізді қолдап жатқандарға және осы спорт түріне енді қызығып, үйрене бастаған балаларға айтар тілегім арманға сеніңіздер және таңдаған жолдан таймаңыздар.