Қостанайда өңірлік іскер әйелдер форумы өтті

Қостанайда «Әділетті және Прогрессивті Қазақстанның Халықтық Конституциясы үшін!» атты іскер әйелдер форумы өтті. Жиында коалиция мүшелері саяси бастамалардың стратегиялық маңызын түсіндіріп, жаңа Ата Заң жобасының негізгі бағыттарына тоқталды. Форумға 200-ге жуық іскер азамат, өңір белсенділері және азаматтық қоғам өкілдері қатысып, жаңа құқықтық кезең туралы өз пікірлерін білдірді.

Екатерина Смышляева, ҚР Парламенті Мәжілісінің депутаты, жалпыұлттық  коалиция мүшесі:

Енді біздің Конституция халықаралық ережелер мен актілерден жоғары тұрады. Оған дейін керісінше Ата Заң Халықаралық құқық қағидаттарынан кейін тұратын. Бұл кезең елдің дамуына өз үлесін қосты. Ал қазір заман өзгерді. Сондықтан азаматтарды өзіміздің ұлттық құқықтық жүйенің қорғағаны маңызды.