Жастар қағаз бен матадан жасалған қапшықтарды үлестірді

Қарағанды облысы Ботақара кентінде «Таза Қазақстан» акциясы аясында ерекше шара өтті. 100-ге жуық оқушы мен еріктілерден құралған табиғат жанашырлары қағаз бен матадан жасалған қалшықтарды үлестірді. Олар дүкендерді аралап, полиэтиленнің қоршаған ортаға зиян екенін түсіндірді. Жастар ауыл тұрғындарына 100-ге жуық арнайы қалта таратты. Тұрмыстық қалдықтарды азайту экологиялық мәдениеттің негізі дейді, ұйымдастырушылар.

Ернат Әбутаев, аудандық Жастар ресурстық орталығының директоры:

Күнделікті дүкенге барған кезде керек-жарағымызды полиэтилен пакетке салып аламыз. Неге қағаз пакетке салып алмасқа?! Одан да тиімдісі матадан жасалған пакеттер. Бұл бір жағынан ұзақ қолдануға болатын болса, екінші жағынан қоршаған ортаның тазалығына алып келеді.