Саяси реформалар ел дамуына тың серпін береді

Қазақстандағы саяси реформаларды Орталық Азия мемлекеттері де қолдап отыр. Бұл жаңашылдық елдің әлеуметтік-экономикалық дамуына тың серпін берері анық. Өзбекстандық сарапшылар пікірі осындай. Алдағы уақытта өтетін халықтық референдум тату көршіміз тәуелсіз Қазақстан тарихында айрықша із қалдыратын саяси оқиға боларына сенімдіміз дейді олар. Конституциялық жаңашылдық Қазақстан мен Өзбекстан арасындағы ынтымақтастықты бұдан да жоғары деңгейге көтеріп, тың мүмкіндіктерге жол ашады дейді сарапшы Шерзодхон Кудратходжаев.

Шерзодхон Кудратходжаев, саясаттанушы, халықаралық сарапшы:

Жаңа Конституция жобасында бірнеше бағытқа басымдық берілген. Әсіресе жасанды интеллектіні дамыту, жеке деректердің қорғалуы сынды тұстары заман талабына сай аса маңызды бағыт деп есептейміз. Адам құқығы мен міндеттері, тұрғындардың заң тетіктерін айқын түсіну мүмкіндіктері де қаралған.