Таразда 13 жастағы қызды ұрлағысы келгендер ұсталды

Таразда екі ер адам 13 жастағы қызды ұрламақ болды. Олар оқушыны Көшек батыр көшесіндегі аялдамада тұрған жерінен автокөлікке салып, алып кетпек болған.

Бірақ сол сәтте жолай өтіп бара жатқан қала тұрғыны араша түсті. Сөйтіп жасөспірімді көлікке сүйреп кіргізіп жатқан жерінен алып шықты. Оқиға аялдама маңындағы бір үйдің бейнебақылау камерасына түсіп қалған. Көлігіне мініп дереу ізін суытқан күдіктілер көп ұзамай қолға түсті. Адам ұрламақ болғандар уақытша ұстау изоляторына қамалды. Қазір аталған дерек бойынша сотқа дейінгі тергеп-тексеру жүріп жатыр. Сондай-ақ полиция қызды қарақшылар қолынан құтқарып қалған азаматты да іздестіріп жатыр. Әрине тергеу үшін емес, арнайы марапаттап, алғыс айту үшін.