Референдум – ұлт болашағын айқындайтын стратегиялық қадам

Оралда облыстық коалиция мүшелері жастармен кездесіп, референдумға қатысудың мәнін түсіндірді.

Жаңа Ата заң жобасы – ел дамуын, болашақ бағдарын айқындайтын басты құжат. Сондықтан жас та, жасамыс та негізгі заңмен танысып, талқылап, ой қосуы шарт дейді жиналғандар. Кездесуде коалиция мүшелері алдағы саяси науқанда әр азамат өз таңдауын жасауы қажеттігін түсіндірді. Ата заң тетігі мен ерекшелігі жайлы құлағдар етті. Жастар да жаңа Конституция жобасының экономикалық-әлеуметтік дамуға серпін беретініне сенімді. 

Айдарбек Айтпукешев, облыстық коалиция мүшесі:

Жаңа заманның үрдісі біздің Ата заңымызды жаңартуға да әкеліп отыр. Ол заңды құбылыс, өйткені 1995 жылы қабылданған Ата заңымыздың бүгінгі таңда әлемдегі өзгерістердің әсері бар, эволюциялық дамуды талап етіп отыр. Сондықтан 15 наурызда өтетін референдум – бұл ұлт болашағын анықтаушы стратегиясы ретінде қарастырылып отыр.