Конституциялық комиссия жұмысы сараланды

Жаңа Конституция жобасында адамды, оның өмірі мен құқықтары басты құндылық ретінде көрсетілген. Конституциялық комиссия жұмысының қорытындысы сараланған жиында халықаралық сарапшылар осылай деді. Іс-шарада комиссия отырыстары ашық форматта өткені айтылды. Онлайн трансляцияның 1 миллионға жуық қаралым жинағаны – соған дәлел. Еске салсақ, Конституциялық комиссия барлығы 12 отырыс өткізді. Онда 12 мың ұсыныс қаралды.

Эльвира Әзімова, ҚР Конституциялық Сотының төрағасы, Конституциялық комиссия төрағасы:

Әрбір бағыт бойынша құқықтық және мазмұндық талдау жүргізілді. Бұл ретте халық тарапынан келген ұсыныстар ескерілді. Тұрғындардың мұндай белсенділік танытуы жаңа Конституция жобасын талқылаудың шынайы, ашық әрі мазмұнды сипат алғанын дәлелдейді.